Չորեքշաբթի, 20 Յունուար 2016-ին, Լիբանանահայ Օգնութեան Խաչի «Արաքսի Պուլղուրճեան» Ընկերաբժշկական Կեդրոն այցելեց ՀՕՄ-ի Կիպրոսի մեկուսի «Սօսէ» մասնաճիւղի անդամուհիներէն՝ ընկհ. Մակի Մահտէսեանը:
Ընկհ. Մահտէսեան շրջելէ ետք կեդրոնի բաժանմունքները, հանդիպում մը ունեցաւ Շրջանային Վարչութեան ընկերուհիներուն հետ: Ան հիացմունքով արտայայտուեցաւ կեդրոնի մատուցած սպասարկութիւններուն մասին իսկ ԼՕԽ-ի յանձնախումբերուն եւ մասնաճիւղերուն կատարած բազմածաւալ գործունէութիւնները մեծապէս գնահատեց : Արծարծուեցան ԼՕԽ-ի եւ ՀՕՄ-ի Կիպրոսի մեկուսի մասնաճիւղի գործունէութեանց հետ առնչուող զանազան նիւթեր, կատարուեցաւ միտքերու փոխանակում:
Ընկերուհին այցելեց նաեւ Պուրճ Համուտի ԼՕԽ-ի ձեռարուեստի կեդրոնը:
