Կազմակերպութեամբ ՝ ԼՕԽ-ի «Սօսէ» մասնաճիւղի վարչութեան , Շաբաթ, 26 Մարտ 2016-ին , կէսօրէ ետք ժամը 4:00-ին , Ժպէյլի « Հայ Կեդրոն» -ին մէջ տեղի ունեցաւ փոքրերու յատուկ Զատկուան ձեռնարկ մը:
Օրուան հիւրերն էին ՀՅԴ «Սերոբ Աղբիւր» պատանեկան միութեան պատանիները , որոնք դիմաւորուեցան վարչական ընկերուհիներուն կողմէ :
Ատենապետուհի՝ ընկհ. Լուսին Պէզճեան բարի գալուստ մաղթելէ ետք անոնց, բացատրեց որ ԼՕԽ-ը միշտ նախանձախնդիր է հայ փոքրիկը ուրախացնելու եւ Հայկական աւանդութիւնները պահելու .....այնուհետեւ անոնք հիւրասիրուեցան վարչութեան ձեռամբ իսկ պատրաստուած փոքրերու նախասիրած ճաշով (Hamburger)-ով .
Վարչութեան ընկերուհիներուն պատրաստած խոշոր կողով մը գոյնըզգոյն հաւկիթները յատուկ փայլք տուած էին սոյն ձեռնարկին......
Տեղի ունեցաւ հաւկթամարտ , ուր յաղթող պատանին ստացաւ նուէր մը վարչութեան կողմէ:
Ուրախ եւ ջերմ մթնոլորտը հոգեկան մեծ գոհունակութիւն պատճառեց ընկերուհիներուն , նամանաւանդ երբ անոնք լսեցին պատանիներուն շնորհակալական խօսքերն ու ուրախ տրամադութեան արտայայտութիւնները :
