Ցեղասպանութեան 100 Ամեակ (24 Ապրիլ 2015)
Ուրբաթ, 24 ապրիլ 2015-ի առաւօտուն, Անթիլիասի մայրավանքին մէջ ոգեկոչուեցաւ Հայոց ցեղասպանութեան 100-ամեակը, ուր Ս. պատարագը մատուցեց Լիբանանի հայոց թեմի առաջնորդ Շահէ եպս. Փանոսեան:
Յաւարտ Ս. պատարագին, Մեծի Տանն Կիլիկիոյ Արամ Ա. կաթողիկոս սրբալոյս միւռոնով վերաօծեց վերանորոգուած Ս. Նահատակաց մատուռը ,ապա Տեղի ունեցաւ ծաղկեպսակներու զետեղում:
ԼՕԽ-ի Շրջանային վարչութիւնը իր կարգին ծաղկեպսակ զետեղեց մէկ ու կէս միլիոն նահատակներու յիշատակին ,ինչպէս նաեւ վերանորոգեց իր ուխտը, շարունակելու ԼՕԽ-ի առաքելութիւնը ծառայելու Հայ ժողովուրդին:
Ապա , աւելի քան յիսուն հազար լիբանանահայերու կողքին մեծաթիւ խաչուհիներ մասնակցեցան պահանջատիրական քայլարշաւին ,Անթիլիասի մայրավանքէն դէպի Պուրճ Համուտի դաշտ , պահանջելով Հայ ժողովուրդին իրաւունքներուն
վերատիրացումը եւ ամբողջական արդարութեան հաստատումը:
