ՀՅ Դաշնակցութեան 123-ամեակին առիթով, երէկ` կիրակի, 8 դեկտեմբեր 2013-ին, կէսօրուան ժամը 12:00-ին, Պուրճ Համուտի Ազգային գերեզմանատան ՀՅԴ պանթէոնին դիմաց տեղի ունեցաւ դաշնակցական նահատակուած եւ մահացած նուիրեալներու, հերոսներու, գործիչներու եւ մտաւորականներու յիշատակին հոգեհանգստեան պաշտօն:
Հոգեհանգստեան արարողութենէն ետք, ՀՄԸՄ-ի Լիբանանի Շրջանային վարչութեան շեփորախումբին կատարողութեամբ նուագուեցան Լիբանանի եւ Հայաստանի քայլերգները: Ապա տեղի ունեցաւ ծաղկեպսակներու զետեղում` Դաշնակցութեան պանթէոնին դիմաց:
(ծաղկեպսակ զետեղուեցաւ նաեւ ԼՕԽ-ի կողմէ )
