ԼՕԽ-ի «Արազ» մասնաճիւղի վարչութեան կազմակերպած «Մայրերու Օր»ուան ձեռնարկը տեղի ունեցաւ Երեքշաբթի, 30 Մայիս 2017-ին, շրջանի «Սօսի Մարտիկեան» սրահին մէջ, ներկայութեամբ Շրջանային Վարչութեան ներկայացուցիչ՝ ընկհ. Սիլվա Գարակէօզեանի, կազմակերպչական յանձնախումբի ներկայացուցիչ՝ ընկհ. Սօսի Տէմիրճեանի, անդամուհիներու եւ բարեկամուհիներու:
Սրահի մուտքին, վարչութիւնը ներկաները դիմաւորեց ծաղիկով եւ յուշանուէրով:
ՀՕՄ-ի քայլերգի ունկնդրութենէ ետք, մասնաճիւղի վարչութեան ատենապետուհի՝ ընկհ. Լենա Արամ, բարի գալուստ մաղթեց եւ շնորհակալութիւն յայտնեց բոլոր ներկաներուն, որոնք ընդառաջելով վարչութեան հրաւէրին, գնահատած եւ քաջալերած էին վարչութեան աշխատանքները:
Տեղի ունեցաւ վիճակաձգութիւն եւ կատարուեցան սրտաբուխ նուիրատուութիւններ: Ներկաները ուրախ եւ գոհունակ մեկնեցան սրահէն:
