ԼՕԽ-ի «Կարինէ» մասնաճիւղի (Ամանոս) վարչութեան «Մայրերու Օր»ուան առիթով կազմակերպուած դաշտագնացութիւնը տեղի ունեցաւ Հինգշաբթի, 25 Մայիս 2017-ին:
Առաւօտեան, փոխադրակառքերը ուղղուեցան դէպի Պիքֆայայի մայրավանքը, ուր աղօթելէ ետք, վարչութիւնը ծաղկեպսակ զետեղեց եղեռնի նահատակներուն յուշարձանին առջեւ: Ապա շարունակեցին դէպի «Համլայա»-ի «Րաֆքա» սրբավայրը: Պտոյտի վերջին հանգրուանը եղաւ «Ապու Թոնի» ճաշարանը:
Լիբանանի եւ ՀՕՄ-ի քայլերգներու ունկնդրութենէն ետք, վարչութեան ատենապետուհի՝ ընկհ. Օլկա Պռունսուզեան բարի գալուստ մաղթեց եւ շնորհակալութիւն յայտնեց անոնց, որոնք օժանդակած էին ձեռնարկի յաջողութեան եւ բոլոր ներկաներուն, որոնք իրենց ներկայութեամբ քաջալերած էին սոյն ձեռնարկը:
Տեղի ունեցան Համբարձման վիճակի, տարեկան եւ ձեռնարկի վիճակահանութեան վիճակաձգութիւնները: Եղան սրտաբուխ նուիրատուութիւններ:
Ուրախ, հաճելի եւ յիշատակելի ժամեր անցընելէ ետք, ընկերուհիները գոհունակ սրտով վերադարձան իրենց բնակարանները:
