ԼՕԽ –ի Այնճարի «Աղթամար» մասնաճիւղի Ընկերային յանձնախումբը պահպանելու համար հայ երգն ու երաժշտութիւնը, Երկուշաբթի, 8 Փետրուար, 2016-ին, կազմակերպեց «Քարաօքէ» երեկոյ մը, ճաշարան «Նապաա Այնճարի» մէջ:
Համախմբուած էին մօտ 75 ընկերուհիներ ու համակիրներ, միասնաբար, կեանք տալու մոռցուած հայկական երգերուն:
Ձեռնարկի բացման խօսքը կատարեց յաձնախումբի ատենապետուհի՝ Ընկհ. Անէթ Փալազեան, ան մաղթեց որ բոլորին տուները լի ըլլան խնդութեամբ ու հայկական երգերով:
Երեկոյի հանդիսավարութիւնը կատարեց Տիկ. Նայիրի Հապէշեան: Ան տեղեկութիւններ փոխանցեց, պահոց օրերու եւ հայկական աւանդութիւններու մասին:
Ներկաները շատ մեծ խանդավառութեամբ երգեցին աշուղական, սիրային եւ հայրենասիրական երգեր, եւ շուրջպարերով արտայայտեցին իրենց ուրախութիւնը:
Տեղի ունեցաւ նաեւ վիճակաձգութիւն:
