Հինգշաբթի 4 Դեկտեմբեր 2014-ին Լ.Օ.Խ.-ի «Արաքսի Գլպաշեան» կազդուրման կայանի կեդրոնին մէջ տեղի ունեցաւ Ճաշի դասընթացք մը կազմակերպութեամբ Լ.Օ.Խ.-ի «Աղթամար» Մասնաճիւղի Դաստիարակչական Յանձնախումբին:
Ձեռնարկին բացումը կատարեց Տիկ. Ռօզ Պագգալեան որ յայտնեց թէ «Եփելը արուեստ, շնորհք եւ ճաշակ է որ մաս կը կազմէ ժամանակի զարգացման ու նորաձեւութեան: Մենք բոլորս ունինք այդ շնորհքը, սակայն այսօր մենք եկած ենք հոս բազմաշնորհ մեր դասատուէն օգտուելու մանաւանդ իր այլազան տեսակի գիտելիքներէն»:
Ան իր խօսքը աւարտեց ըսելով թէ «համադամ ճաշը իր գեղեցիկ եւ զարդարուն տեսքով կենսական գործօն մըն է տրամադրութիւնները բարձրացնելու»:
Դասատուն հանրածանօթ Տիկ. Անահիտ Տօնիկեանն էր՝ Պէրութէն:
Դասընթացքին կը մասնակցէին 80-է աւելի տիկիններ եւ օրիորդներ:
Դասընթացքը տեւեց շուրջ 5 ժամ, որու ընթացքին պատրաստուեցան այլազան տեսակի ճաշատեսակներ ( Պրիանի, Շոմինով Պէօրէկ թարթ, Մոն Պլան...): Դասընթացքի աւարտին բոլոր մասնակցողները ճաշակեցին պատրաստուած համադամ ուտելիքները:
