ԼՕԽ-ի «Արազ» մասնաճիւղի վարչութեան կազմակերպած «Ամանորի Ձեռնարկ»ը տեղի ունեցաւ Երեքշաբթի, 19 Դեկտեմբեր 2017-ին, առաւօտեան ժամը 10:00-ին, շրջանի «Սօսի Մարտիկեան» սրահին մէջ, ներկայութեամբ Շրջանային Վարչութեան ներկայացուցիչ՝ ընկհ. Սիլվա Գարակէօզեանի, հիւրերու, անդամուհիներու եւ բարեկամուհիներու:
ՀՕՄ-ի քայլերգի ունկնդրութենէ ետք, մասնաճիւղի վարչութեան ատենապետուհի՝ ընկհ. Լենա Արամ, բարի գալուստ մաղթեց եւ շնորհակալութիւն յայտնեց բոլոր ներկաներուն, որոնք միշտ իրենց ներկայութեամբ կը քաջալերեն վարչութեան աշխատանքները:
Երգչուհի Գարմէն Աճեմեան հայկական ճոխ երգերով խանդավառեց մթնոլորտը:Տեղի ունեցաւ վիճակաձգութիւն եւ կատարուեցան սրտաբուխ նուիրատուութիւններ: Ներկաները ստացան կաղանդը խորհրդանշող ծաղիկներ տրամադրուած քաղաքապետութեան կողմէ եւ ուրախ ու գոհունակ մեկնեցան սրահէն:
