Հայհազեան համալսարանի եւ ԼՕԽ-ի Ձեռարուեստի կեդրոնի գործակցութեամբ Հայկական ասեղնագործութեան ցուցահանդէսի բացումը տեղի ունեցաւ երեքշաբթի 12 Յունիս 2010-ին, երեկոյեան ժամը 6;00-ին Հայկազեան համալսարանի ‘’Մաթոսեան’’ սրահին մէջ, հովանաւորութեամբ ընկերային հարցերու նախարար` Ուաէլ Ապու Ֆաուրի:
Հանդիսութեան ներկայ էին Լիբանանի ընկերային հարցերու նախարարի ներկայացուցիչ` Հաֆեզ Պու Լթէյֆ, Լիբանանի Հայոց Թեմի առաջնորդ `Գեղամ Արք Խաչերեան, Հայկազեան Համալսարանի տնօրէն` վերապատուելի Փոլ Հայտոսեան, ԼՕԽ-ի Շրջանային Վարչութեան ատենապետուհի` ՝ընկհ. Թալին Գլպաշեան, ԼՕԽ-ական ընկերուհիներ եւ միծ թիւով արուեստասէրներ:
Ցուցադրուած էին Մարաշի, Այնթապի, Սվազի, Ուրֆայի, վանի ասեղնագործութեան եւ այլ ասեղներու գործեր:
Ցուցահանդէսը բաց մնաց 12 Յունիսէն մինչեւ 16Յունիս, առաւօտեան ժամը 11-էն երեկոյեան ժամը 7:00-ը : Լիբանանցի եւ օտար այցելուներ հիացմունքով դիտեցին ցուցադրուած ձեռագործները եւ իրենց գնումներով քաջալերեցին ԼՕԽ-ի Ձեռարուեստի կեդրոնը
Վարձքը կատար բոլորին:
