Կազմակերպութեամբ՝ ԼՕԽ-ի «Նայիրի» մասնաճիւղի վարչութեան (Անթիլիաս) ,Երկուշաբթի 5 Յունուար, 2015-ի երեկոյեան ժամը 9:30-էն սկսեալ ,Ս. Ծնունդի խթման առիթով տեղի ունեցաւ պարահանդէս «Kerket Al Haj »ճաշարանին մէջ:
Ճաշարանի մուտքին ներկաները հիւրասիրուեցան տուրմով եւ ստացան նուէրներ տրամադրուած տարբեր հաստատութիւններու կողմէ:
Բացման խօսքը կատարեց մասնաճիւղի վարչութեան ատենապետուհի ընկհ.Շաքէ Գարայեան: Ան ողջունեց ներկաները եւ Նոր Տարուան ու Ս. Ծննդեան զոյգ տօներուն առթիւ ջերմագին մաղթանքներով բարի եւ ուրախ տարի մը մաղթեց:
Մթնոլորտը խանդավառեց հալէպահայ տաղանդաւոր երիտասարդ երգիչ՝ Յակոբ Մկրտիչեան, որ հայերէն, օտար եւ ազգագրական երգերով ճոխացուց ձեռնարկը:
Ժամը 12-ին ամենատպաւորիչ պահն էր, երբ խումբ մը եկեղեցասէր երիտասարդներ տապերով, ծնծղաներով եւ մոմերով մտան ճաշարան , շարականներով եւ երգերով աւետեցին Յիսուս Մանուկին Սուրբ Ծնունդը
Ապա ձեռնարկը շարունակուեցաւ նոյն խանդավառութեամբ մինչեւ առաւօտեան վաղ ժամերը:
Ուրախ մթնոլորտէ խանդավառուած եղան նուիրատուութիւններ:
Ներկաները ճաշարանէն դուրս ելան գոհունակ եւ ուրախ, յառաջիկայ խթման ձեռնարկին կրկին տեսնուելու խոստումով:
