ԼՕԽ-ի «Ա. Ազիրեան» մասնաճիւղի (Նոր Սիս) վարչութիւնը Բարեկենդանի առիթով կազմակերպած էր հաւաքոյթ մը, որ տեղի ունեցաւ Հինգշաբթի, 2 Մարտ 2017-ին, առաւօտեան ժամը 10:30-ին, «Միսաք Ազիրեան» ակումբի «Ատուր Գապաքեան» սրահին մէջ: Հաւաքոյթին ներկայ էին` ԼՕԽ-ի Շրջանային վարչութեան ներկայացուցիչ՝ ընկհ. Իսկուհի Գաբլանեան, քոյր մասնաճիւղերէ ընկերուհիներ, հրաւիլեալներ եւ համակիրներ:
ԼՕԽ-ի քայլերգի ունկնդրութենէն ետք, մասնաճիւղի վարչութեան ատենապետուհի՝ ընկհ. Թալին Պալթաեան, բարի գալուստ մաղթեց ներկաներուն եւ շնորհակալութիւն յայտնեց բոլորին քաջալերանքին համար:
Մեծի Տանն Կիլիկիոյ միաբաններէն՝ Հայր Մեղրիկ եպս. Բարիքեանը հրաւիրուած էր փոխանցելու օրուան խորհուրդը: Ան մանրամասնօրէն անդրադարձաւ Բարեկենդանի եւ Մեծ Պահոց շրջանի իմաստին եւ սովորութիւններուն: Ներկաները մեծ հետաքրքրութեամբ եւ գոհունակութեամբ հետեւեցան:
Տեղի ունեցաւ վիճակաձգութիւն եւ կատարուեցան սրտաբուխ նուիրատուութիւններ:
Ներկաները բարձր տրամադրութեամբ մեկնեցան սրահէն:
