Մայիս ամիսը տարբեր խորհուրդ եւ իմաստ ունի հայ ժողովուրդին համար: Գարնանային այս վարդաբոյր ամսուան ընթացքին կը յիշենք մեր պատմութեան յաղթապանծ տարիները, օրերը: Աշխարհի համն ու բոյրը հանդիսացող մայրն ու մայրութիւնը կը փառաւորուին մայիսին` նոյն ատեն փառաւորելով Աստուածամայրը:
Այս գիտակցութեամբ զինուած, ԼՕԽ-ի մասնաճիւղերը մայիս ամսուան ընթացքին տարբեր նախաձեռնութիւններով եւ ձեռնարկներով նշեց նուիրեալ ու թանկարժէք էակներով` մայրերուն տօնը:
«Ա. Ազիրեան» Մասնաճիւղ
ԼՕԽ-ի «Ա. Ազիրեան» մասնաճիւղի վարչութեան կազմակերպած մայրերու օրուան ձեռնարկը տեղի ունեցաւ ուրաթ, 16 մայիս 2014-ին կէսօրէ առաջ ժամը 10:30-էն սկսեալ Ա. Ազիրեան «Ատուր Գապաքեան» սրահին մէջ:
Օրուան պատգամը փոխանցեց Ազգային Աբգարեան վարժարանի տնօրէն Գեղանի Էթիէմեզեան, որ խօսեցաւ նոր սերունդի մայրերուն եւ նախկին մայրերու աշխատանքին մասին: Տարեցներու տարի ըլլալով` ան խօսեցաւ տուներուն մէջ երէցներու նկատմամբ յարգանքի կարեւորութեան մասին:
Ձեռնարկը խանդավառեցին ասմունքով Մարինէ Եսայեան եւ երգով Յովսէփ Եսայեան:
Տեղի ունեցաւ վիճակահանութիւն: