ԼՕԽ-ի «Նայիրի» (Անթիլիաս) մասնաճիւղի վարչութեան կազմակերպած «Համբարձման Տօն» ձեռնարկը տեղի ունեցաւ Հինգշաբթի, 5 Մայիս 2016-ին, ներկայութեամբ Շրջանային Վարչութեան ներկայացուցիչ՝ ընկհ. Լիլիան Օրտողլեանի:
Ձեռնարկին մասնակցողները, նախ այցելեցին ժպէյլի «Սէյիտէթ Քաֆթուն» վանքը, Թռչնոց Բոյնի «Արամ Պէզիկեան» թանգարանը, ապա ողղուեցան դէպի «Հայ Կեդրոն», ուր դիմաւորուեցան ԼՕԽ-ի «Սօսէ» մասնաճիւղի վարչութեան կողմէ:
Մասնաճիւղի վարչութեան ատենապետուհի՝ ընկհ. Վարդուկ Գալայճեան կատարեց բացման խօսքը: Ան շնորհակալութիւն յայտնեց Շրջանային Վարչութեան նիրկայացուցիչին, «Սօսէ» մասնաճիւղի վարչութեան եւ «Հայ Կեդրոն»ի պատասխանատուներուն:Ինչպէս նաեւ անդրադարձաւ Համբարձման Տօնի տոհմիկ աւանդութիւններուն եւ սովորութիւններուն, որոնք կ'ըլլային երգեր, խմբական պտոյտներ, վիճակախաղեր եւայլն:
Տօնական Մթնոլորտը ջերմացաւ, երբ ներկաներուն բաժնուեցան վարչութեան պատրաստած Համբարձման քառեակներ:
Տեղի ունեցաւ նաեւ աւանդութիւն դարձած վիճակահանութիւնը, որմէ բախտաւորուեցան ներկաներէն շատեր: Մասնակցողները ուրախ տրամադրութեամբ վերադարձան իրենց բնակարանները:
