Երեքշաբթի, 27 հոկտեմբեր 2012-ին, ներկայութեամբ ԼՕԽ-ի աւելի քան ութսուն անդամներու, «Գարեգին Նժդեհ» ակումբին մէջ տեղի ունեցաւ ԼՕԽ-ի «Աղաւնի Փափազեան» մասնաճիւղին նոր տարեշրջանի առաջին ձեռնարկը` ներկայութեամբ ԼՕԽ-ի Շրջանային վարչութեան ներկայացուցիչ Ազատուհի Սարգիսեանի:
ԼՕԽ-ի քայլերգի յոտնկայս ունկնդրութենէն ետք, բացման խօսքը կատարեց վարչութեան ատենապետուհի Արաքսի Գըլըճեան: Ան բարի գալուստ մաղթեց ներկաներուն` հակիրճ տեղեկութիւններ փոխանցելով վարչութեան յառաջիկայ գործունէութեան մասին: Ապա հրաւիրեց օրուան դասախօսուհի Մարլէն Տանակէօզեանը, որ ներկայացնէ Լիբանանի «Ոսկէ աշուն»-ը: Մ. Տանակէօզեան շատ հաղորդական ձեւով տեղեկութիւններ տուաւ բոյսերու մշակման, առողջ պահպանման ձեւերու եւ հնարքներու մասին:
Ան իր խօսքի աւարտին վարչութեան նուիրեց իր պատրաստած յատուկ ձեւաւորումի «արանժըման»-ը, որ վիճակաձգութեամբ տրուեցաւ օրուան բախտաւորին:
