Գիրքեր

2014-bookԼՕԽ-ականներու Մտորումներ Ապրումներ Պատգամներ 
Պէյրութ, 2014

ԼՕԽ-ի Շրջանային Վարչութեան նախաձեռնութեամբ, նախորդ երկու տարիներուն ընթացքին՝ 2012-2014, ԼՕԽ-ի գործունէութեան վերաբերող տարբեր առիթներով «Ազդակ» օրաթերթին մէջ լոյս տեսան ԼՕԽ-ական ընկերուհիներու գրիչին պատկանող յօդուածներ, մտորումներ եւ յուշագրութիւններ:

 
 
 
 
 
 
 

 

 

 
 
 
 
8 Մարտ 2013
Պէյրութ

Լոյս տեսաւ ԼՕԽ -ի Դաստիարակչական Յանձնախումբի պատրաստած «Հայ եկեղեցւոյ տօներն ու անոնց հետ կապուած աւանդութիւնները» գրքոյկը:

 
 
 
 
 
 
 
 
 

 

 

 

 

 

 

 

 

Հայկական Ասեղնագործութիւն
Արձագանգներ Անցեալէն
Պէյրութ 1999

Այս գիրքը կը պարունակէ աւելի քան 250 ստեղծագործական ձեռագործներու նկարներ: Հայկական եւ Կիլիկիան իւրաքանչիւր բնակավայր ունի զինք բնորոշող ասեղնակար եւ զարդանախշեր հետեւաբար գաւառներու անունները կը բնութագրեն ձեռագործի տեսակը: Այս գրքին յօդուածները կը բացատրեն հայկական «ասեղներու ծնունդը»: Գիրքը նուիրուած է,Հայ մայրերուն ,Մեծ մայրերուն եւ անծանօթ այն հայուհիներուն, որոնք ասեղի եւ թելի ընդմէջէն, ստեղծած են ասեղնագործութեան նրբարուեստը՝ ապրող աւանդութիւն մը, որ դարերու Ընթացքին կը ձեւակերպէ Հայ կնոջ ստեղծագործական միտքն ու հոգին:

 

 

 

 

Հայկական Տարազ
Հեղինէ Փափազեան
2002 Թուական

Լ.Օ.խ – ի հիմնասիւներէն Հեղինէ Փափաեան ,քաջատեղեակ առանձնայատկութիւններուն, մշակութային ժողովուրդի առօրեային եւ մօտէն կը հետեւի Հայ ժողովրդական մշակոյթին եւ ազգային աւանդութիւններուն, կը մշակէ Հայկական ձեռագործներու օրինակներ եւ կը սկսի նիւթեր հաւաքել «Ազգային Տարազի» վերաբերեալ: Այս իմաստով «Հայկական Տարազը» կ՛ըլլայ իր ուշադրութեան կեդրոնը, որովհետեւ ան կը հաւատայ , որ աւանդական տարազը մարդու ցեղային , դասային, սեռային պատկանելիութիւնը ցոյց տուող անձնագիր է: 2002 թուականին Լ.Օ.խ – ական ընկերուհիներ այս գրքի հրապարակումով կ՛իրագործեն Հեղինէ Փափազեանի պատգամը իրականութիւն դարձնելով «Գեղջկական Տարազներու» գիրքը:

 

 

 

«Ապրէ՛, ապրեցո՛ւր, Հայ Օգնութեան խաչ»
Պէյրութ 2010

Պատերազմներու ստեղծած ահաւոր պայմաններուն հետեւանքով՝ վտանգուած ու վնասուած զինուորներու հոգատարութեամբ ու դարմանումով զբաղող կազմակերպութեան մը անհրաժեշտութիւնը , ծնունդ տուաւ Հ.Օ.Մ- ին 1910 թուականին , Հ.Յ.Դ. ընդհանուր ժողովին յղացումով եւ Էտկար Ակնունիի ջանքերով: